يلا انضم معانا هنحقق اللى فى هوانا
 
الرئيسيةاليوميةمكتبة الصورس .و .جبحـثالتسجيلدخول

شاطر | 
 

 برنامج جديد على نجوم اف اخص (ربنا يستر على واليانا)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
AFIFI
رئــيس المنتدى والمشرف العام
رئــيس المنتدى والمشرف العام
avatar

عدد الرسائل : 266
تاريخ التسجيل : 11/04/2007

مُساهمةموضوع: رد: برنامج جديد على نجوم اف اخص (ربنا يستر على واليانا)   الأربعاء يونيو 06, 2007 9:39 am

وزى موعدناكم بتقديم الحلقات نبدأ أول حلقة ///
مستمعينا الاعزاء النهارده هنتكلم عن موضوع مهم جدا و هوازاى نلفت نظر اللى بنحبه عشان نعرف اننا بنحبه من غير مايبان اننا بنحبه ( والله مانا فاهم حاجه )
المهم دا موضوع طبعا انا واثق انه شاغل كتير من البنات والشباب وانا مستنى ايميلاتكم و اتصالتكم
ومعانا تليفون ونقول الوووووووو ( طبعا بقولها بمياصه موووووت )
المتصل: ازيك يا اسامه على فكره موضوع الحلقه النهارده يجنن وانا بحبك قوى يا اسامه و ماما كمان بتحبك موت
اسامه: ربنا يخليكى بس انتى موطيه صوتك ليه بس؟
المتصل: اصلى بتكلم من تحت السرير مانت عارف بقى اننا مجتمع شرقى و متخلف فيها ايه يعنى لما بنت تكلم واحد مايص الساعه 1 بعد نص الليل مش فاهمه انا ايه الرجعيه دى المهم خلينا فى موضوعنا انا يا اسامه اسمى باكينام وبحب ولد زميلى فى الكليه و هو مش حاسس بيه يا ترى اعمل ايه معاه ؟ ؟
اسامه: بصى فى كذا طريقه اولها انك تيجى قدامه و تعملى انك اتخبطى فيه و توقعى كتبك و هو اكيد هيلمهم معاكى تروحى وش ماسكه ايديه على انها الكتاب ( قال يعنى ايده ملمسها ورقى اصمله ) و تروحى مسبله بحنيه و رقه وقايلاله معاكش سجاره فرط يا زميلى ..... والمفروض انه لو انسان رومانسى هيفهم انك بتموتى فيه
لو ماجبتش معاه ممكن تجربى طريقه تانيه : ممكن تخليه ماشى فى الشارع وتسلطى واحده صاحبتك تعاكسه و لما هو يضايق قوى من المعاكسه ويبقى خلاص هيعيط تدخلى انتى وتروحى ضربه صاحبتك قلمين(هتدفعى تمنهم طبعا بعد الفيلم ده ) و تقوليلو لامؤاخذه يا كابتن اصل البنات مبقاش عندها رحمه اليومين دول ومبقوش يفرقو بين الولد المؤدب والولد اللى سيكو سيكو وهو لو بيفهم اكيد هياخد موبيلك وابقى احكيلى بقى على الباااااااااقى

لو منفعتش معاه والا حاجه من الكلام ده يبقى اتاكدى بقى انك بنت اصلا فقرية ومتتصليش كل شوية توجعى دماغى وانتى اصلا شبه الضفدعة ومحدش بيبوصلك.
وباهديلك اغنيه(أيها الراقدون تحت التراااااب)
اعزائى المستمعين فى انتظار مكالماتكم
انتظرونا فى الحلقة القادمة بس عايزين ردود
باااااااااااااااااااااااااااى









_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dreams.firstgoo.com
deesh_afifi
مراقب
مراقب
avatar

عدد الرسائل : 120
تاريخ التسجيل : 03/05/2007

مُساهمةموضوع: رد: برنامج جديد على نجوم اف اخص (ربنا يستر على واليانا)   الخميس يونيو 07, 2007 1:07 pm

مستمعينا الاعزاء من تانى رجعنالكم وازاعتكم الجميله نجوم اف اخص والنهارده بنتكلم عن موضوع مهم جدا وهو ان من حق كل واحد انه يحب ودا موضوع انا بعتبره حيوى ولازم اناقشه بجديه ومش هاروح غير وانا مخلصو من الاخر معانا تليفون و نقول الوووووووو ( كالعاده بمياصه)
المتصل: اثيك يا اثامه اخبالك ايه
اسامه: انا تمام مين معايا
المتصل: انا ثوثن يا اثامه و بحبك جدا جدا انا عندى عشر ثينين وبحب احمد جدا جدا
اسامه : مين احمد يا سوسن زميلك فى الحضانه؟
المتصل: اها هو كده فعلا وبنحب بعض بقالنا خمث ثنين
اسامه: بسم الله ما شاء الله احساس جميل اننا نحب وكمان الحاجه لما تبقى بدرى بتكبر مع الايام وانا شايف انكو كده ممكن تتجوزو كمان سنتين والا حاجه و نعمل فرحكو بقى فى اقرب مدرسه اعداديه ونفرح بيكو
المتصل: بس يا اسامه انا زعلانه من احمد عشان هو شويه انانى كتير بيجيب لنفسه شيبسى بالكباب ومش بيرضى يجيبلى معاه و خايفه لما نتجوز يفضل كده و الموضوع يكبر وانت عارف الجواز مثئوليه
اسامه : لا لا يا احمد كده عيب وانا بوجهلك رساله و بقولك وحيات مامتك ابقى اكل سوسن معاك لما تجيب شيبسى يا احمد ربنا يوفقكو يارب وباهديلك اغنيه ( ماما زمانها جاااااااااايه )
و زى ماسمعنا من شويه ان ثوثن رغم انها لسه بترضع الا انها تمسكت بحبها رغم ما واجهته من صعوبات فى التكيف مع انانيه احمد تجاه الشيبسى بس برضو على رائى المثل ماحدش بياكلها بالساهل

والى اللقاء فى حلقه قادمه

_________________
توقيع deesh_afifi
______________________________________________


___________________________________________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
AFIFI
رئــيس المنتدى والمشرف العام
رئــيس المنتدى والمشرف العام
avatar

عدد الرسائل : 266
تاريخ التسجيل : 11/04/2007

مُساهمةموضوع: رد: برنامج جديد على نجوم اف اخص (ربنا يستر على واليانا)   الجمعة يونيو 08, 2007 3:55 am

فين الردود يا جماعة

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dreams.firstgoo.com
AFIFI
رئــيس المنتدى والمشرف العام
رئــيس المنتدى والمشرف العام
avatar

عدد الرسائل : 266
تاريخ التسجيل : 11/04/2007

مُساهمةموضوع: رد: برنامج جديد على نجوم اف اخص (ربنا يستر على واليانا)   الجمعة يونيو 08, 2007 3:59 am

أعزائى المستمعين رجعنالكو تانى و موضوع جديد جدا جدا واثق ان محدش ناقشه قبل كده وموضوعنا النهارده هو النتانه فى الحب ممكن شويه منكم يستغربو الاسم لكن انا بخبرتى الطويله بقولكو ان النتانه داخله فى كل حياتنا وبما ان الحب جزء من حياتنا ففيه نتانه برضو ( و مش عاوز صداع بقى هنتكلم فى الموضوع غصب عنكو من الاخر ) وطبعا كالعاده معانا تليفون و هنقول الووو ( كالعاده بمياااصه )
المتصل : الو ازيك يا اسامه انت جامد موت وبرنامجك شديد طحن و بحبه اخر حاجه
اسامه : ربنا يخليكى اتعرف بيكى
المتصل: انا نحمده وعندى مشكله ان حبيبى نتن قوى قوى يا اسامه نتن فى كل حاجه فى لبسه و فى هداياه وحتى الحموم فين و فين اما بيستحما و ريحت امه تقرف
اسامه: طيب وانتى ايه اللى رماكى على المر يا بنت الناس
المتصل: اللى امر منه يا عم الكتكوت هو انا كنت لاقيت حد محترم و رفضت (اللى جيه فى ايدينا من الاخر)
اسامه: يا نحمده انا من كلامك حسيت ان عندك مشكلتين اولها اسمك نفسه ودى تحليه بنفسك و تفكك منى فيها عشان مش هفيدك والتانيه هى نتانه خطيبك ودا شىء استحاله نسكت عليه و بالنسبه لريحت امه اللى تقرف ممكن تساوميه مثلا يا حبيبى لو استحميت النهارده ليك عندى مفاجأه هيقولك هى ايه هتقوليلو ان مامتك عيانه وممكن تودع قريب اقطع دراعى لو مجاش استحمى عندكو فى البيت من كتر الفرحه او ممكن تجيبيلو هديه صابونه كاماى ( من ام جنيه وربع دى ) و تقوليلو نفسى اشوفها عليك قصدى ياعنى اشمها عليك يمكن يحس يا امى ماحنا شكلنا وقعنا مع عيل رمه ولو بقى منفعش معاه حاجه من الحاجات دى كلها يبقى بقولك ايه بقى كلام فى سرك كده بلا نضافه بلا نيله استنى اما تتجوزو و تضمنى انكو بقيتو فى بيت واحد و بعد كده صدقينى انتى هتبقى انتن من اللى خلفوه و هتعرفو تعيشو مع بعض فى تبات و نبات و تخلفو صبيان و بنات
وبهديلك اغنيه ( الميه تروى العطشان و تطفى نار الجربااااااااااااان )
والى اللقاء فى حلقات اخرى يا مستمعينا الحلويييييين
ومنتظر ردودكم

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dreams.firstgoo.com
الفـ الابيض ـارس
عضو محترف
عضو محترف
avatar

عدد الرسائل : 386
العمر : 27
تاريخ التسجيل : 03/05/2007

مُساهمةموضوع: رد: برنامج جديد على نجوم اف اخص (ربنا يستر على واليانا)   الجمعة يونيو 08, 2007 1:21 pm

ههههههههههههههههههههههههههههههههههههههههههههههههههههههههههههههههههههههه
جميل جدا البرنامج يا اثامة قصدى يا عفيفي انت وديش
ومشكووووووووووووورين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dreams.firstgoo.com
AFIFI
رئــيس المنتدى والمشرف العام
رئــيس المنتدى والمشرف العام
avatar

عدد الرسائل : 266
تاريخ التسجيل : 11/04/2007

مُساهمةموضوع: رد: برنامج جديد على نجوم اف اخص (ربنا يستر على واليانا)   الجمعة يونيو 08, 2007 2:35 pm

الفـ الابيض ـارس كتب:
ههههههههههههههههههههههههههههههههههههههههههههههههههههههههههههههههههههههه
جميل جدا البرنامج يا اثامة قصدى يا عفيفي انت وديش
ومشكووووووووووووورين


الله يخليك يا فارس وشكرا على ردك
وانتظر الرد من الاخرين

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dreams.firstgoo.com
deesh_afifi
مراقب
مراقب
avatar

عدد الرسائل : 120
تاريخ التسجيل : 03/05/2007

مُساهمةموضوع: رد: برنامج جديد على نجوم اف اخص (ربنا يستر على واليانا)   السبت يونيو 23, 2007 12:38 pm

أعزائى المستمعين من تانى رجعنالكم و اسف على الغياب الطويل ده بس اصلى كنت تعبان موت و عندى انفلونزا و حتى دا باين على صوتى على العموم الف سلامه عليه و بعد الشر عليه من اى حاجه و حشه موضوعنا النهارده هيكون عن الهطل فى الحب و دا موضوع مهم جدا جدا و جايلى ايميل من انجى بتقول فيه ان حبيبها اهطل موت وانها كل ماتحب تدردحه شويه يصدمها بمزيد من الهطل يعنى مثلا خد عندك مره كانت بتقولو حبيبى انا ايدى ساقعه قوى قوى مش عارفه ادفيها ازاى يقوم هو بغباوته قايم شاريلها جوانتى و مره تانيه تقولو حبيبى انا خايفه اعدى الشارع عشان العربيات يقوم بسلامته بدل مايتشملل ويمسك ايدها و يفرحنا يروح محود و ماشى من شارع جانبى مافهوش عربيات و طبعا النوع ده من الشباب انا لا اتنبأ له باى انتصارات فى مجال الحب لا قبل الجواز والا بعده و خصوصا بعده دى ( شكلو هيعرنا ) المهم انا رئيى يا انجى انك تفسخى خطوبتك فورا من هذا الانسان الميئوس منه و تبدئى تدورى على شاب من نوع تانى زى الشباب بتوع جامعه الدول العربيه اللى بيقفو عند جامع مصطفى محمود دول اكيد عرفاهم دول اكيد هيحسيسوكى بكل اللى انتى عاوزاه و هتخشى فى قصص جواز عرفى و اثبات نسب و دى ان ايه و قصص جاااااااامده جدااااااااا وطبعا هتحتاجينى تانى لما تحصل الحوارات دى واكيد انا مش هبخل عليكى بالنصيحه ابدا ابدا و هبدا انصحك انك تتوبى تبعدى عن السكه المنيله دى ( مانا لازم اجيب زباين للبرنامج امال لما كل الناس هتعيش مبسوطه انا هسترزق منين )
على العموم يا انجى ربنا يوفقك وانا بهديلك اغنيه ( بحبه هو بتاعت بوسى سمير عارفينها الاغنيه دى صح
والى اللقاء فى حلقات اخرى مستمعينا الاعزااااااااااااااء
حبيبكم و نور عينكم و معشوقكم الاول والاخير
اسامه منــــــــير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
deesh_afifi
مراقب
مراقب
avatar

عدد الرسائل : 120
تاريخ التسجيل : 03/05/2007

مُساهمةموضوع: رد: برنامج جديد على نجوم اف اخص (ربنا يستر على واليانا)   السبت يونيو 23, 2007 12:39 pm

يلا يا شباب فين الردود

_________________
توقيع deesh_afifi
______________________________________________


___________________________________________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Masry in Dubai
عضو محترف
عضو محترف
avatar

عدد الرسائل : 13
تاريخ التسجيل : 26/07/2007

مُساهمةموضوع: رد: برنامج جديد على نجوم اف اخص (ربنا يستر على واليانا)   الخميس يوليو 26, 2007 7:04 pm

ايه الجمال ده يا درش

بصراحـــــة عجبنى حوارك جدا جدا جدا

تحياتى لك ولــ AFIFI
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Masry in Dubai
عضو محترف
عضو محترف
avatar

عدد الرسائل : 13
تاريخ التسجيل : 26/07/2007

مُساهمةموضوع: رد: برنامج جديد على نجوم اف اخص (ربنا يستر على واليانا)   الخميس يوليو 26, 2007 7:07 pm

deesh_afifi كتب:
مستمعينا الاعزاء من تانى رجعنالكم وازاعتكم الجميله نجوم اف اخص والنهارده بنتكلم عن موضوع مهم جدا وهو ان من حق كل واحد انه يحب ودا موضوع انا بعتبره حيوى ولازم اناقشه بجديه ومش هاروح غير وانا مخلصو من الاخر معانا تليفون و نقول الوووووووو ( كالعاده بمياصه)
المتصل: اثيك يا اثامه اخبالك ايه
اسامه: انا تمام مين معايا
المتصل: انا ثوثن يا اثامه و بحبك جدا جدا انا عندى عشر ثينين وبحب احمد جدا جدا
اسامه : مين احمد يا سوسن زميلك فى الحضانه؟
المتصل: اها هو كده فعلا وبنحب بعض بقالنا خمث ثنين
اسامه: بسم الله ما شاء الله احساس جميل اننا نحب وكمان الحاجه لما تبقى بدرى بتكبر مع الايام وانا شايف انكو كده ممكن تتجوزو كمان سنتين والا حاجه و نعمل فرحكو بقى فى اقرب مدرسه اعداديه ونفرح بيكو
المتصل: بس يا اسامه انا زعلانه من احمد عشان هو شويه انانى كتير بيجيب لنفسه شيبسى بالكباب ومش بيرضى يجيبلى معاه و خايفه لما نتجوز يفضل كده و الموضوع يكبر وانت عارف الجواز مثئوليه
اسامه : لا لا يا احمد كده عيب وانا بوجهلك رساله و بقولك وحيات مامتك ابقى اكل سوسن معاك لما تجيب شيبسى يا احمد ربنا يوفقكو يارب وباهديلك اغنيه ( ماما زمانها جاااااااااايه )
و زى ماسمعنا من شويه ان ثوثن رغم انها لسه بترضع الا انها تمسكت بحبها رغم ما واجهته من صعوبات فى التكيف مع انانيه احمد تجاه الشيبسى بس برضو على رائى المثل ماحدش بياكلها بالساهل

والى اللقاء فى حلقه قادمه


بثراحـــــة يا دييش نفثى ادخل جوه دماغك

واعرف الكلام الحلو ده بتجيبوا منين

بس بشرط تعرفنى على ثوثـــن

هههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الروش
عضو جديد
عضو جديد


عدد الرسائل : 3
تاريخ التسجيل : 29/12/2007

مُساهمةموضوع: رد: برنامج جديد على نجوم اف اخص (ربنا يستر على واليانا)   الأحد يناير 06, 2008 12:12 pm

deesh_afifi كتب:
بالاشتراك مع رئيس المنتدى والمشرف العام AFIFI

قررنا عمل حلقات مشابهه لحلقات البرنامج الشهير بتاع أسامة منيرالجميــــــــــــل جدا
بس هنغير اسمه ونسميه ربنا يستر على واليانا
ولكن مع بعض التعديلات البسيطه يعنى من الاخر مواضيعنا اللى هناقشها معاكو هتكون مختلفه شويه واكثر واقعيه يعنى مثلا فيوم ممكن نتكلم عن العفانه فى الحب يعنى ليه حبيبك و هو جاى يقابلك بتبقى ريحته عرق و شرابه جايب اخر الشارع

ممكن مثلا نتكلم برضو عن شىء مهم جدا جدا فى حياتنا وهو طول سوالف حبيبك قد ايه لان ده مقياس حقيقى لمدى حبه ليكى ( تخيلى لو كان معندوش يالاهوووووووووى لا يا ماما دا شكلو بيتسلى بيكى اخلعى وش )

و هكذا من المواضيع الجباره المهمه اللى ممكن تكون سبب فى انهيار العلاقات بين الطرفين

و هنعتبر رد اى حد فيكو هو بمثابه التليفون اللى بيستقبلو الاخ الفاضل اسامه جرجير ده وطبعا هتلاقونا مايصين و حنينين جدا جدا ولو فى بنت عندها عشر سنين عندها مشكله مع حبيبها اللى هو عنده 11 سنه مش لازم تتكسف و على طول لازم تكلمنا تحكيلنا عشان نفيدها و نقولها تعمل ايه فى الازمات اللى هتقع فيها دى

وربنا يقدرنا يارب و نقدر تقدم حاجه تفيد شبابنا و مجتمعنا

ويارب الموضوع يلاقى استحسان منكو لانو اخد منا فتره طويله لتجهيز الحلقات

مستنين الردود عشان نبدا اول حلقه


ملحوظة : كل واحد فينا هيقدم حلقة ومنتظرين تليفوناتكم
هههههههههههههههه


______________________________________________________________

احب اوجه كل شكر لديييش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
برنامج جديد على نجوم اف اخص (ربنا يستر على واليانا)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الأحلام :: المنتديات الترفيهية :: ضحكة من القلب-
انتقل الى: